Organisaziun
Rita Huonder, presidenta comite d'organisaziun ex18

Festivals ein moda

Preziadas convischinas, preziai convischins

Stimai expositurs ed amitgs dall'ex

„Cun success vinavon“ aschia senumna nies motto dall’11avla exposiziun da commerci e professiun ex18 che ha liug dils 26 entochen ils 28 d’october 2018 a Disentis/Mustér. L’exposiziun sespleiga danovamein el Center da sport e cultura il qual ei in liug adattau che porscha ina surfatscha d’exposiziun da 1’200m2. In’ulteriura gada ina gronda schanza per nossas fatschentas ed interpresas dalunsch e da maneivel da presentar lur innovaziuns, ideas e products ad in vast publicum. L’ex18 porscha duront quella fin d’jamna als visitaders ed expositurs in festival, na buc mo in mobein gest treis. In da quels ei il „Food-Festival“ al qual nos ustiers indigens carmalan pign e grond en la tenda avon la halla da sport sin in viadi culinaric. Las seras lein sedivertir al „Drink-Festival“ e la sonda sera al „Humor-Festival“.

In ulteriur punct culminont ei segirafranc il „Forum Surselva“. Nus essan loschs da saver beneventar Vus venderdis, ils 26 d’october 2018 a quella manifestaziun cheu a Disentis/Mustér.

Ulteriuras activitads vegnan publicadas da temps a temps sin nossa pagina d’internet sut la rubrica program.

Il comité d’organisaziun ex18 selegra gia oz da beneventar biars expositurs ed amitgs a noss’11avla exposiziun.

Sin seveser a Disentis/Mustér
Rita Huonder-Tenner, presidenta co ex18

Comité d'organisaziun

Il comite d'organisaziun dalla ex18

Rita Huonder, presidenta

Corinne Staub, vicepresidenta

Paul Duff, PR & pressa

Curdin Cajacob, finanzas

Ursina Murer secretariat

Tomas Schmed, construcziun ed organisaziun dils stans 

Ronny Zanin, construcziun

Gion Hosang, construcziun

 

Stans

Standbau Hug AG, Näfels

Adressa

ex18, caum postal, 7180 Disentis/Mustér, info@ex18.ch